«قارجىلاندىرۋ كولەمى ارتقاننان كەيىن مەديتسينا ۇيىمدارىنان تۇسەتىن وتىنىشتەر مەن كەلىسىمشارتتار سانى دا ەكى ەسە كوبەيەدى. سوندىقتان ءبىز ساتىپ الۋ پروتسەسىن دە جەتىلدىرىپ جاتىرمىز. بيىلعى جىلدىڭ ءۇشىنشى توقسانىندا قىزمەت كورسەتەتىن كومپانيالار بازاسىن جاساۋ, كونكۋرسقا قاتىسۋعا ءوتىنىش بەرۋ, ساتىپ الۋ پروتسەدۋراسى, جەتكىزۋشىلەردى ىرىكتەۋ كوميسسيالارىنىڭ جۇمىسى دا تولىعىمەن اۆتوماتتاندىرىلادى. بۇل جۇمىستىڭ ءبارى ەلەكتروندى ساتىپ الۋلار پورتالى ارقىلى ونلاين رەجيمدە جۇرگىزىلەدى», دەدى ايباتىر جۇماعۇلوۆ.
ايتۋىنشا, مەملەكەتتىك تاپسىرىس شەڭبەرىندە ساتىپ الىناتىن قىزمەتتەردى ەمدەۋ مەكەمەلەرى اراسىندا بولىسكە سالۋ جۇمىستارىنىڭ ناتيجەسى دەنساۋلىق ساقتاۋ سالاسىنداعى تولەم جۇيەلەرىنە جىبەرىلەدى. سودان كەيىن قور مەن جەتكىزۋشىلەر اراسىندا كەلىسىمشارت بەكىتىلەدى. بۇل وزگەرىستەردىڭ ءبارى دە مەديتسينالىق قىزمەتتەردى ساتىپ الۋ پروتسەسىنىڭ اشىقتىعىن, تيىمدىلىگىن قامتاماسىز ەتپەك.
«قازىردىڭ وزىندە قوردا كەلىسىمشارتتار مەن قوسىمشا كەلىسىمدەر اۆتوماتتى تۇردە قالىپتاستىرۋ فۋنكتسياسى ىسكە قوسىلعان. وسى تامىز ايىندا قۇجاتتاردىڭ ءبىر بولىگىنە تسيفرلىق قولتاڭبانىڭ كومەگىمەن قول قويۋعا مۇمكىندىك الامىز», دەپ قورىتتى مسق باسشىسى.
